A tarde 17-12-2025

Neste programa imos dar unha volta por Vigo. Paramos nun salón de peiteado para que Beatriz Moreda nos conte que tendenzas se levan nestas festas. Tamén falamos con Rubén Misa e Chus de Prado, uns radioafecionados empeñados en difundir o Nadal vigués a través das ondas. E ademais coñecemos o "Proxecto 0-3". O seu impulsor, David Suárez, explícanos como xurdiu esta iniciativa que consiste en recoller alimentos e produtos de hixiene para meniños de familias en situación de vulnerabilidade. ASsistimos a clases de defensa persoal con Manuel Permuy. Fernando Fernández escolle para nos as cen mellores bandas sonoras da historia do cine. Faremos o camiño da cova de Eirós en compaña do director desta excavación arqueolóxica, Arturo de Lombera, e do director do documental que narra o proxecto, Xosé González Varela. O doutor Emilio González Reza daranos dende Ourense uns consellos para evitar colle-la gripe e co doutor Proupín falaremos dos problemas gastrointestinais tan comúns durante as festas de Nadal.