[Música] Conversa con Sofía Espiñeira

Hai 15 días demos inicio a unha serie de conversas que desenvolveremos nestas 6 semanas e que están encadradas dentro dun proxecto impulsado pola Cooperativa Suseia e que conta coa colaboración da Área de Patrimonio da Deputación da Coruña , proxecto no que Orgullo Galego fai parte mediante emisións en Twitch e difusión en redes. Este proxecto xunta o noso patrimonio e a música en galego e aposta por xerar referentes musicais no noso idioma mais tamén referentes históricos e culturais. Todos os luns o perfil de Youtube da Deputación da Coruña publicará un videoclip que servirá como arranque para comezar coa difusión no resto de redes. Vai o videoclip de Sofía Espiñeira: https://www.youtube.com/watch?v=j-LmbqskVbs&t=0s A conversa de hoxe é coa cantautora Sofía Espiñeira con quen falamos sobre o seu traballo, situación da música en galego mais tamén sobre a súa experiencia gravando o video clip no Castelo de Caaveiro Emitido o martes (terza feira) 4 de Abril ás 21h (ano 2023)